බාවා පාර්ට් ටූ

හොඃ හෝ යාලුවනේ.. 😋

බාවා පාර්ට් ටූ එකත් ලියන්දෝ නොලියම්දෝ කියලා කල්පනා කර කර ඉද්දි මතක් උනේ අහල පහල එකෙක්වත් දැකලා මේ පෝස්ට් එක උට පෙන්නුවොත් එහෙම මාව එල්ලන් යනවා උගේ බස් එකේ ඉස්සරහා..😣😣

ඕං ඉතිං කට කහනවානේ.. එකම එකක් කියන්නං.. බස් එක මතක් උන නිසා..🚌

පොර වැඩ කලේ සීට් 64 ලේලන්ඩ් වයිකින් එකක්.. ගලේවෙල මාතලේ පාරේ තිබුන දිගම බස් එක වගේම දිගම මෙව්වා එකත් ඌ සතුයි(බස් එක වෙන එකෙක්ගේ)..🙂

කොල්ලො කුරුට්ටෝ ටික හවසට හවසට පාර අයිනේ බංකුවක් තියෙනවා ඕකට සෙට් වෙන්නේ ඉතිං මාතලේ ටවුමෙං මේසේ උඩ තියලා විකුණන, කකා ඉද්දි අහු උනොත් 25000ක් දඩ ගහන, ඔය කවුරු හරි එකෙක් ජොකා අස්සේ ගහං ගෙනාපු අපූරු මාවා ටිකක් හපන ගමං කයියක් ගහන්න..

ඔහොම ඉන්න අතරේ බාවා තුමා ආවා ආඟිරි ගාගෙන හෝන් එක උඩ නැගගෙන.. තඩි බ්‍රේක් පාරක් ගහලා අපි ඉන්න තැන නවත්තලා කිව්වා අඩේ එකෙක් මේං මේ වයිපර් එක පොඩ්ඩක් ඇදලා අතෑරපංකෝ.. අව්වට උණු වෙලා වින්ඩ්ස්ක්‍රීන් එකට අැලිලා බං කියලා. මංනං දන්නෑ ඒවා ⁣එහෙම උණු වෙනවද කියලා. දැකලානං නෑ.. 🤣🤣

හැම තැනම ඉන්නවනේ එකෙක් පොර වෙන්න දඟලන. ඇයි ඉතිං බස් එකේ ලමිස්සියෝ එහෙමත් ඇතිනේ. අනේ ඉතිං උන්දැ නැග්ගා අර ඉස්සරහා තියෙන අණ්ඩෙනුත් අල්ලගෙන බෆර් එක උඩට.. නැග්ගා විතරයි මෙන්න මේ @$රි බාවා ෆස්ට් එකට දාලා ඇද්දුවා.. 🤣🤣

දැං අරූ එල්ලිලා වින්ඩ්ස්ක්‍රීන් එකට ගගහා කෑගහනවා.. බස් එකේ මිනිස්සුත් කෑගහනවා ඇහුනා.. බස් එක විදලා ගියා.. මෙන්න ටිකකිං අරූ පයින් එනවා දිවත් බල්ලා වගේ දාගෙන.. මීටර් 500 ක් විතර එහායින් නවත්තලා බායි කියලා ගිහිල්ලා.🤣🤣

ඌ ගැන කියන්නෑ කියලා ඇවිත් ඌ ගැනම කියන්න උනානේ..

අන්තිම එක මේ අයේ බෑ

මේ අවුරුද්දේ අවුරුදු උත්සවේට මුට විකට ඇඳුම් තරඟෙට අදින්න ඕනි කිව්වා.. හත්වලාමේ මේ හතලිහක විතර හම්පඩ දිගංචියෙක් මොකාට අන්දන්නද.. යරෙව්කෝ යන්න කියලා බයිකුයි ත්‍රීවිලුයි පෝලිමක් ගියා උගේ ගෙදර..

ගෑණිගේ ගවුමකුයි තව මොනාද මන්දා පොල්කටු දෙකක් වගේ පන්ච් කෑලි දෙකකුයි අරං ආවා අන්දපං කියලා.. අපිත් ඉතිං ගානට කෑලි ටික ඇසෙම්බල් කරලා පව්ඩර් තට්ටුවකුත් උලලා ගත්තා බාවා නිකං කිරි කෑල්ල වගේ.. ලිප්ස්ටික් පාරකුත් ගෑවා කලු පාටිං.. දැංනං මූ කොටුවේ බෝගහ යට තිබ්බනං ලොකු ගානකට බඩු සුවර්..🤣

එහෙම්ම කාලක් ඇදලා අරං ඒකත් අමුවෙන්ම හලාගෙන, ගියා නම දෙන්න තරඟෙට.. සංවිධායක මණ්ඩලේ හිටිය අක්කෙක් ඇහුවා නමයි චරිතෙයි. නම කියලා චරිතේ කිව්වා ගණිකාවක් කියලා.. අනේ අර අක්කාගේ මූණු ඩිංග ⁣ටොන් 40 ගල් රෝලෙට අහු උන කජු ලෙල්ල වගේ ඔහෙක් වෙලා ගියා..

දැං රවුමට යනවා නට නට.. අර පොඩි උං තලේ මූත් නට නට යන ගමන් කොල්ලොන්ට කිස් දෙනවා, කෙල්ලන්ට රවනවා. යකෝ මුගේ කෝළං..😋

නම කියලා රෑ මනාළියක් කියලා තමා චරිතේ කිව්වේ.. පොඩි උං අම්මලාට ඇනලා අහනවා "අම්මේ රෑ මනාළි කිව්වේ කාටද" අම්මලාගේ මූණුත් ඒ වෙලාවට අර කජු ලෙලි වගේ ඔහෙක් වෙනවා..

ප්ලේස් එකක්නං ගන්න තිබ්බා ඉතිං.. අන්තිමේටම මූ ගිහිං විනිස්චයට හිටපු ප්‍රාදේශිය ලේඛම්ගේ ඔඩොක්කුවේ ඉඳගෙන උගේ රැවුලෙන් ඇද්දේ නැත්තං..😒😒

මේ ඇති.. හොඳටෝම ඇති.. තවත් මතක් වෙනවා.. ඒවා ලියන්න බෑ. කොටු කොටු දාලා ලියන්න වෙන්නේ..

එහෙනං.. ගිහිං එඥ්ඥං..✌️

#බණ්ඩා