සෙවනගල වාජීකරණ අවුසදේ අපේ ගම් පලාත් වල ඉස්සර ගොඩක් ප්රසිද්ධයි. දැන්නම් හොයාගන්නම නැති තරම්නේ.. මට මතකයි අපේ අම්මගේ මහ ගෙදර ගියාම එහා පැත්තේ කඩේක ලොකු වීදුරු බෝතලේක දාලා තමා විකුණන්නේ.. ගමේ කොල්ලෝ කුරුට්ට‌ෝ හැම එකෙකුටම ඉල්ලුවොත් දෙනවා.. ඒ මං තුමා පොඩි කාලේ
මේ ලගදි(පියාඹන්න කලින්) දවසක මට එකක් හම්බුනා..ගෙදර අරං ඇවිත් පස් මහ බැලුම් බලලා කන්න හදනකොටම අපේ හපයි, හපයි කිව්වේ බලු තඩියාගේ නම. උට ඒ නම දාන්න හේතුව ගෙදරට එන උන් බය කරන්න නැතුව මස් කට්ටක්වත් හපන එකෙක් නෙවේ .🐶🐕🦺
ඌ ඇවිත් පස්ස ගැලවෙන්න තරං වණනවා මම අරක දිගාරිනවා දැකලා.. අනේ ඉතිං අසරණයනේ කියලා කෑල්ලක් දුන්නා.. මූත් බස බස ගාලා කාලා මගේ දිහා බලාගෙන ඉන්නවා. මටත් බුරනවා. උගේ නගුට හපාගෙන දඩුමොණරේ වගේ මිදුල මැද කැරනෙකවා.. ඔහොම නට නට ඉදලා එලියේ එල්ලලා තියෙන කහ පාට බල්බ් එක දිහා බලාගෙන ඉන්නවා.. ඉන්න ගමන්ම ඇස් දෙක හීනි වෙලා දඩස් ගාලා ඇදගෙන වැටෙනවා.. ආයෙත් එක පාරටම බුරාගෙන නැගිටිනවා.. එකම විකාරයයි.. අම්මා ඇවිත් බලාගෙන ඉදලා අර අහිංසකයාට බනිනවා.. "මූ කොහෙන් හරි ජරාවක් කාලා" කියලා.. මට කිව්වද දන්නෙත් නෑ..😂
සත්ව සංවිධාන වලින් මට නඩු දායිද දන්නෑ.. අනේ ඌ චිරාත් කාලක් යෙහෙන් වැජබුනා අපිට ආතල් දිදීම..😶
No comments:
Post a Comment