නූතන බැති ගී..

ඔය දැං මාස දෙක තුනකට උඩදි තිබ්බනේ ⁣වෙසක් පෝය.. ඔන්න ඉතිං මමත් ඔය අහල පහල ඈයෝ ටිකක් එක්ක බර බාගෙක නැගලා ගියා වෙසක් බලන්න.. බර බාග කිව්වේ ඉතිං ඩීමෝ බට්ටා තමා.. ඇයි දන්නවද ඒක⁣ට බර බාග කියන්නේ.. කන්දක් එහෙම සෙ⁣ට් උනොත් පටවං ඉන්න බරෙන් බාගයක්වත් අයින් කරන්න ඕන උඩට යන්නනං.. බල්ලා ගැන කියන්න ගිහිං මැක්කා ගැන කිව්වද මන්දා.. 

හරි කතාවට යමුකෝ..

ඔන්න ඉතිං අපි හුටු හුටු ගගා ආවා කෙහොමින් කොහොම හරි දන්සැලක් ලඟට.. අපේ උන්ට දන්සැලක්නං ඉතිං වෙන මොකුත් එපානේ.. ඔන්න ඉතිං පොලිමේ යනවා.. දන්සැලකට නුහුරු සිංදු ටිකක් ඇහෙනවා...

"තෙරුවන් සරණයි ඔයාට"
"නිදුකින් ඉනු මැන මට වඩා කල්"
"රත්නත්තරේ පිහිටයි"
"වැඳ බුදුන්ගෙන් පවා"
🙏🙏
දෙයියනේ මේ මොනාද.. දැන් ඉතිං අපේ අර පශ්චාත් බාගේ ඉන්න ඉත්තෑවෝ ටික ධාවනය ආරම්භ කරන මොහොත... අර බැජ් එකක් ගහගෙන හිටපු කොල්ලෙක්ට අඩ ගහලා ඇහුවා..

"ඈ බොල මල්ලියේ..  මොනාද මේ සිංදු.. දාපංකෝ බෙග් මාස්ටර්ගේ සිංදු ටිකක්.."
මෙන්න මේකා කියපි.

"අයියේ බලන්න මේ සිංදු. මෛත්‍රී කරන හැටි බලන්න.  අපේ ආච්චි වැඳගෙන අහන්නේ අයියේ මේ සිංදු ටික.. බය නැතිව පන්සලේ උනත් දාන්න පුලුවන් නේද අයියේ..."

මමත් ඉතිං "සානුකම්පාවෙන් බලන්නේ මං ඔයා දිහා" කියලා ආවා එන්න.. බත් කන්නත් පිරියක් තිබුනේ නෑ.

අරූ කියපු එකත් ඇත්ත.. මොන බලු වැඩේ තමන්ට කරලා ගියත්, ගිය එකාට මෛත්‍රී කරවන්න මේ සිංදු ගොඩක් වටිනවා.. 👍👍

#බණ්ඩා

බණ්ඩගේ ළමා කාලය හා බංඩයියලාගේ ළමා කාලය

බණ්ඩාගේ දෙවෙනි මෙව්වා එක විදියට ගෙනාවා ඕං පොඩි කාලේ ගැන..

ඇත්තටම පිංවත්නි බණ්ඩාගේ පොඩි කාලේ ඔය හූනියං කැට ( හෑං පෝං) තිබුනේ නෑ අපිට.. තිබ්බා පට්ට සල්ලි කාරයෝ ළඟ.. බුදු අම්මේ ඒ කාලේ අර කැමරාව තියෙන පෝන් එකක් දැක්කොත් නිකං අ⁣පේ පැත්තේ පාරක ලැම්බොගිනියක් ගියා වගේ තමා.. ඕ.. මටත් මතකයි බස් එකක් ඇතුලේ මිනිහෙක් අර අරින වහන කැමරා පෝන් එකකිං කෝල් එකක් ගන්නවා.. මම කෑ ගහපි 

"ආං කැමරා පෝන් එකක්" කියලා..

හතර විලිලැජ්ජාවයි.. අම්මට ඇඩ්රසුත් නෑ..

.. මට තේරෙන එකක්යැ..🙊

ඔන්න ඔහොමයි බන්ඩගේ කාලේ..
ඒකට දැං.. හප්පේ.. අම්මා පොඩි එකාව නලවන්නෙත් පෝන් එක අතට දීලා..
අපේ කාලේ ඉස්කෝලේ ඇරිලා ආව ගමන් දුවන්නේ සෙල්ලං කරන්න බත් එකවත් නොකා.. හිටියේ ගස් ගල් උඩ.. කජු පුහුලං කාලෙට කටවල් දෙපැත්ත මාර ලස්සනයි.. ජෝකර්ලා වගේ..👺

අත්තම්මගේ චීත්තේ හොරකං කරන් යන්නේ ඇලට තිත්තියෝ අල්ලන්න..  🐡
සමහර දවසට අප්පච්චි එතනට ඇවිත් මාලුන්ට බැනපු වාර ගණන අනන්තයි.. මොකුත් නොදන්න අපේ චීත්තෙට උන් ඇවිත් අපිට පව් පුරවනවා කියලා..ඉතිං උන්ට තේරෙන එකක්යැ..

අ⁣ඹ තියෙන කාලෙට අඹ ටේස්ට් දාන්න ගෙදරින් එලියට යද්දිම ලුණු, මිරිස් කුඩු, තුනපහ, පොල්.....😅 (අනේ යකෝ උඹත් ඉතිං අහගෙන ඉන්නවා තුනපහ පොල් මොකටද බං අඹ ටේස්ට් එකට.😜.) අරගෙන තමා යන්නේ..

ඕං ඉතිං රාජකාරි ඉවර වෙලා හවස 5 වෙද්දි කොහේ හිටියත් මායා බන්ධන බලන්න කොල්ලා ගෙදර.. එකත් බලලා 6 ට ජාතික එකේ යන "ගොවි බිමට අරුණලු" ත් බලලා තමා ඕං පොත අතට ගන්නේ..

දැං හැදෙන අප්පලානං ඉස්කෝලේ ඇරිලා ආව ගමන් දාගන්නවා ඩබල් එක්සෙල් ටීෂර්ට් එකකුයි ඇට මාලෙයි ⁣ඇදේට හිටින්න තොප්පියකුයි. ගම වටේ විසිට් එකක් දා⁣නවා කාගේ හරි හොන්ඩා ඩියෝ එකක් ඉල්ලං.. (ස්පොන්සර් කරලා එහෙම නෑ හොඳේ.)
අැවිදින්නෙත් නිකං Fill-T වගේ.( ඔව් ඔව් මල්ලිගේ අයියා.. )

තව තියෙනවා අර තොල යට තියාගන්නේ.. හ්ම්ම් තූල් තමා.. ඕවා ටිකක් එහෙම හොයාගෙන තියාගෙන සැපේ ඉන්නවා..
දැං දැං ඔය ගම් වල පොඩි උන් පුරුදු වෙලා ඉන්නවා ටැබා ගහන්න.. දන්නැති අය බලන්න Tramdol-X තමා ඒ බෙහෙත.. දරුණු පිළිකා ලෙඩ්ඩුන්ට තමා දෙන්නේ.. අපේ උන් ගන්නෙත් පිළිකා වලටද.? නෑ.. එක ගහපුවාම වදිනවලු.. ආච්චිගේ තට්ටේ😡😡.. මුං විනාස වෙනවා.. ඒවා ගැන පස්සේ කියන්නංකෝ..

ඔන්න ඔහොමයි බණ්ඩාගේ ළමා කාලෙයි දැං ඉන්න නිගා ලගේ ළමා කාලේ උනේ..

"කාලය මැව් වෙනසක අරුමේ"

බණ්ඩා සහ ගල

 හා හා පුරා කියලා ඕං බණ්ඩා මුල්ම පොස්ටුව පබිලිස් කොලා.. මේක බණ්ඩාගේ පළවෙනි හැබැහින් බල්ටි ගැහිල්ල තමා ආයිබොවන්ඩ.. 🙏

බණ්ඩා හිච්චා කාලේ.. ඒ කිව්වේ අවුරුදු හතරෙදි වගේ මෑණියන් හා පියාණන් සමග ඉතා විශාල සංග්‍රාමයකිං පසු යටත් වී මරන්ට ඇදන් යන හරකෙක් වගේ ශ්‍රද්ධාවෙන් නාන්ට යනවා.. නාන්ට ඇදගෙන යනවා කිව්වනං තමා හරි..
珞
ආහ්.. මම ඉන්නේනං මාතලේ.. හරිම සුන්දර ගමක තමා මම ඉන්නේ. සුන්දර කඳු පන්ති⛰️ වලින් වට වෙච්ච අඬ දබර, කෙහෙ වලු ටුවිස්ටිං, සෞම්‍ය වාග් ප්‍රහාර මැද තමා ගම තිබ්බේ..
අපි නාන්න යන්නේ කන්දේ උල්පතකිං ගලාගෙන එන ඇළක් හරස් කොරලා බැඳපු පොඩි මෙව්වා එකකට.. ඇළක් කිව්වට ⁣Z ඇළ වගේ නෙවේ බොල.. විනාඩියට ඝණ මීටරයක් වගේ ගලන හෙන හුරුබුහුටි එකක්..

ඔන්න පියාණන් විසින් මහත් වූ පරිශ්‍රමයක් දරලා බණ්ඩාව නාවලා ගොඩින් තියලා පිහලා කිරි ටොයියා වගේ අන්දලා ඔතන හිටු කියල එයා ගියා නාගන්ට.. ඔතනම එහා පැත්තේ තියෙනවා ගලක්.. ඕක හරියටම හැඩේ කිව්වොත් සමණලකන්ද පැත්තෙන් බැලුවම තියෙන්නේ. අන්න ඔය හැඩේ.. ඒ කාලෙනං බණ්ඩගේ බඩ ගාවට උසයි ගල.. (කලු ගල යකෝ..😡) 

ඔන්න ඉතිං දැන් බණ්ඩා ඉන්නේ සුපර්මෑන් මොඩ් ඔන් කරං.. අර ගලට නගිනවා බිමට පනිනවා.. ආයෙත් නගිනවා ආයෙත් පනිනවා.. ඔහොම ඉද්දි බණ්ඩාගේ නෙත ගැටෙනවා එතනම තියෙන පොල් ගහක අත්තක් නැමිලා තියෙනවා.  මේක දැකපු ගමං බණ්ඩා පැනපි අත්තේ අගිස්ස අල්ලන්න..

ඇල්ලුවා තමයි පිංවතුනි.. අහෝ ඛේදයකි ඉරකි තිතකි.. අත්තත් එක්කම ඩෝං ගාලා මූණ ඇනුනා ඉස්සරහ තිබුන ගලක.. අප්පච්චි ඇවිත් ටොක්කකුත් අනින ගමන් නැගිට්ටුවා..

"කෝ බොල මේකගේ ඉස්සරහ දත් දෙක..😮😮 "

හුටා... වැදුන පාරට විදුරුමහත් කඩාගෙන දත් දෙක උඩට ගිහිං..
දැන් මක්ක කොරන්ටද..

හුසේයින් බොල්ට් වගේ පියාණන් විසින් ලේ පෙරමින්සිටි බණ්ඩාව උස්සන් ගෙදර දුවනවලු..

ඒ අස්සේ මේකා කියපි

"  අප්පත්ති අප්පත්ති. අල ගලත් අලං යල්ල වෙයිද දොත්තලත පෙල්ලල්ල" 😇

බණ්ඩගේ හැටි හිතාගන්ටකෝ..🙊