ලඝු පොත

මේකනං බණ්ඩා කරපු අලුකුත්තේරු වැඩක් ගැන.. බණ්ඩා ඉන්නේ ඉතිං මාතලේනේ.. එහේ තාමත් ඉන්නවා ඔය ඉගෙනගන්න උවමනාවක් නැති පොල් ගහක බඩගාලා හරි කීයක් හෝ හොයාගැනීම කියන පරම පිවිතුරු ⁣ඡේතනාවෙන් ඉන්න බුවාලා.. බුවීලාත් නැත්තේ නෑ..😣

අන්න එහෙම ගෝතයෙක් හිටියා බණ්ඩාගේ එහෙමත් නැත්තං මං තුමාගේ පන්තියේ. ඒකාට කිව්වේ ඩොංකි.. ඒ නමේ කතෲ අයිතියත් මටම තමා..😋😋

ඒ වෙද්දි අපි 11 වසරේ.. සාපේට සූදානං වෙනවා.. ඔන්න ඉතිං අපිට එපාම කරපු සබ්ජෙක්ට් එක ඉගැන්නුවේ ( ගණිතයද මතක් උනේ.. ආය් දෙකක් නෑ එහෙනං අපි දෙන්නම එකම බෝට්ටුවෙ🤣🤣) අාමි එකෙන් අනුයුක්ත කරපු මේජර් කෙනෙක්.😒😒

එනු යනු කරනු තමුන් වගේ ඒවාගෙන් තමා කතාව..
අපේ ඉස්කෝලේ ගැන පොටෝ ටිකක් ගූගල් දෙයියගෙන් ඉල්ලපුවාම දෙන්නෙත් ඒ සර්ගේ හපන්කම් වගයක්.. අයේ ඉතිං රජ ගුටි තමා හම්බෙන්නේ..

අපේම පන්තියේ එකෙකුට ගහලා ඒකගේ පිටේ පොටෝ එකක් තියෙනවා දෙයියා ගාව.. තාම නඩුව යනවා මයේ හිතේ..🤔

කතාවෙන් පිට පනිද්දි පොඩ්ඩක් මතක් කරහල්ලකෝ හත්තලාමේ..😒😒

ඔන්න ඉතිං ⁣අර කියපු ඩොංකියා කාලෙකට ඉස්කෝලේ එන්නෑ.. ටීචර් අම්මට කිව්වම අම්මා කනෙං ඇදං ගෙනත් දාලා යනවා.. ඔහොම මාසයක් විතර ඇවිත් අයෙත් බුවා නෑ.. ඔහොම දවසක් ඉතිං මූ අවේ නෑ ඉස්කෝලේ.. පහුවදා ඇවිත් මගෙං ඇහුවා ගනං සර් වැඩ දුන්නද බං කියලා.. මංකිව්ව ලඝු පොත පාඩම් කරන් එන්න කියලා.. එදා වෙලාවට සර් ආවේ නෑ.. පහුවදා ඉඳලා මූ ඉස්කෝලේ ආවෙත් නෑ.. එදායින් පස්සේ තාම දැක්කේ නෑ .😒😒

මට තාම ෂුවර් නැත්තේ මම නිසා ඌ නැවැත්තුවාද නැත්තං උෟ සුපුරුදු විදියටම කැලේ පැන්නද කියලා..🤔

මොනවා උනත් මතක් වෙද්දි ලොකු වරදකාරී හැඟීමක් එනවා..

මං නිසානං එහෙම උනේ සමා වෙයං ඩොංකියෝ..

ඔයාලත් මට බනින්න එපා ඕං..😒

මොනවා උනත් උටත් තේරුං ගන්න පුලුවන් වෙන්න ඕනි ලඝු පොත කියන්නේ මොකෙකුටවත් ලේසියෙන් පාඩං කරන්න පුලුවන් එකක් නෙවේ කියලා..

ස්තූතියි.